Dymista nefúði inniheldur tvö virk efni: azelastínhýdróklóríð og flútíkasónprópíónat.
Azelastínhýdróklóríð tilheyrir flokki lyfja sem nefnast andhistamín. Andhistamín hindra verkun histamíns sem líkaminn framleiðir og eru þáttur í ofnæmisviðbrögðum. Flútíkasónprópíónat tilheyrir flokki lyfja sem nefnast barksterar og draga úr bólgu.
Yngri en 18 ára mega aðeins nota Dymista eftir ávísun læknis. Lyfið er ekki ætlað börnum yngri en 12 ára. Nauðsynlegt er að nota Dymista nefúða reglulega til þess að ná þeirri virkni sem óskað er. Ekki á að nota Dymista samfellt lengur en í 3 mánuði.
